ILOILO CITY- Nabutang subong sa kontrobersiya ang Syudad sang Iloilo matapos madiskubrehan ang ginahimo nga prostitusyon sa sulod sang isa ka public market.
Sa exclusive interview sang Bombo Radyo Iloilo kay Mr. Nestor Canong, pinuno sang Task Force on Moral and Values Formation sang Iloilo City Government, iya ginpahayag nga madugay na nga ginahimo nga sex den ang Iloilo Terminal Market nga amo ang pinakadako nga merkado sa Iloilo.
Suno kay Canong, ang ikaduha nga panalgan sang nasambit nga merkado ang ginahimo nga motel kun sa diin sa balora nga P200 mahimo na makaarkila sang isa ka kwarto.
Isa ka agi ang ginatudlo nga bugaw sang mga menor de edad nga babaye kag lalaki.
Narescue naman sang mga otoridad ang mga ginabugaw nga menor de edad kun sa diin kalabanan sa mga ini ang mga lalaki.
Padayon naman nga ginapangita sang mga otoridad ang bugaw nga nakapalagyo sa ginpatigayon nga operasyon.
