ILOILO CITY – Indi mahingagaw sa Lunes ang pagtapos sa pagpaninlo sa Iloilo Terminal Market.
Sa interview sang Bombo Radyo kay Punong Barangay Woody Dela Riarte, miyembro sang Vendor’s Association sa Iloilo Terminal Market, iya ginpahayag nga ang pagpatigayon sang declogging operation ang atrasado bangud sa tuman ka damo nga basura.
Suno kay Dela Riarte, mahimo nga sa masunod nga Sabado pa mabuksan ang nasambit merkado bangud nga sa subong, madamo pa ang obstruction nga dapat kuhaon.
Ginpahayag ni Dela Riarte nga sa tion nga mabuksan na ang merkado, limitahan na ang transient vendors kag ang tanan nga manugbaligya ang hatagan sang alalangay nga kadakuon sang stall.
