Nakig-angot na si Iloilo Vice Governor Christine Garin sa Guimbal Municipal Police Station- Regional Anti-Cyber Crime Unit (RACCU) kag ginpablotter ang death threat sa iya.
Sa comment sang isa ka facebook account nga nakapangalan kay Reynold Dooma Mayoral , iya ginpahayag nga kun makatyempo lang ini, siya ang mapatay kay Garin.
Si Mayoral ang nagatrabaho sa idalom sang Special Services Division sang City Mayor’s Office kag na-assign sa Gulayan sang Bayan sa Iloilo Terminal Market, kag residente sang Brgy. Rizal Pala-Pala II, Iloilo City Proper.
Sa interview sang Bombo Radyo kay Garin, iya ginpahayag nga naanad na siya sa tanan nga mga kritisismo apang lain gid kun death threat ang iya mabaton.
Gincheck niya liwat ang comment sang amo nga lalaki apang ginapahayag nga deleted na ini.
Suno sa bise gobernador, luyag lang niya nga makilala si Mayoral kag mahibaluan ang rason sang iya nga pagpost.
Panugyan ni Garin sa mga netizens, mangin mahinalungon sa kun ano man ang ginapost sa social media.
Pahayag naman ni Punong Barangay Noel Soliman sang Rizal Pala-Pala II, naka quarantine subong si Mayoral bangdu job hire employee ini sang syudad.
Sa pagkamatuod, hinablos man ini niya bangud magpakaisahanay sila sang iloy sang lalaki.
Suno kay Soliman, ginkakibot niya ang unod sang komento ni Mayoral kag kun mapamatud-a nga siya ang nagpamahog sa bise gobernador kag mapasakaan siya kaso, atubangon na lang niya ini.
