𝗜𝗟𝗢𝗜𝗟𝗢—Yara sa state of war ang probinsya sang Iloilo sa tunga sang padayon nga pagsaka sang kaso sang dengue sa probinsya.
Sa interview sang Bombo Radyo kay Iloilo Governor Arthur Defensor, Jr., iya ginpahayag nga 41 sa 43 ka mga local government units sa probinsya ang nakalab-ot sa epidemic threshold nga nagakinahanglan sang gilayon nga sabat.
Suno kay Defensor, 36 ka banwa ang may clustering sang kaso sang dengue sa lebel sang barangay.
Humalin Enero tubtub Agosto, naka-record ang Iloilo Provincial Health Office sang 4,595 ka kaso sang dengue, sa diin 10 diri ang napatay.
Ini ang 320% nga mas mataas kumpara sa 1,095 ka kaso nga narekord sang nagligad nga tuig.
