Ginpaathag sang City Disaster Risk Reduction and Management Office (CDRRMO) kon ngaa wala makuhaan sang laragway ang masobra 35,000 ka mga crowd nga nagtambong sa grand rally sang Alyansa para sa Bagong Pilipinas sa Gaisano Iloilo City Center sa Benigno Aquino Ave., Diversion Road, Mandurriao, Iloilo City.
Sa interview sang Bombo Radyo kay Darwin Papa, Operation Officer sang Iloilo City Disaster Risk Reduction and Management Office (CDRRMO), iya ginpahayag nga wala nakuhaan sang aerial shot ang nasambit nga crowd bangud gin-abisohan sila nga indi na lang magpalupad sang mataas sa drone bangud sa mga tent nga dalagko.
Suno kay Papa, mas madamo pa ang mga indibidwal nga wala bangud covered sila sang mga tent.
Gin-athag man sini nga sa inisyal nga isip nga 20,000 nga crowd ang wala pa sa peak antes nag-alas-singko sa hapon sa amo nga adlaw.
Na-record naman sang talatapan ang isa ka untoward incident sa crowd.
Gin-ako man sang natungdan nga indi matumod sang talatapan ang ‘specific’ nga numero sang tawo kag isa lamang ka ‘rough estimate’ ang ila ginpatuman.
Ginalantaw man sang Iloilo City Disaster Risk Reduction and Management Office nga mahimo magsobra pa sa 35,000 ang tawo nga nagpadulong sa Benigno Aquino Ave., Diversion Road, Mandurriao, Iloilo City.
