ILOILO CITY–Bugalon sa gihapon ang Ilongga beauty queen nga si Ruffa Nava apisar wala niya makuha ang titulo nga Supermodel International 2018.
Sa interview sang Bombo Radyo kay Nava, iya ginpahayag nga ang mangin tiglawas sang Pilipinas sa nasambit nga pageant ang dako na nga kadungganan sa iya.
Gindugang pa ni Nava nga nangin pamaagi man ini agud mapakita niya sa bilog nga kalibutan ang mga gown creations nga human sang mga Ilonggo designers.
Anga 25 anyos nga Ilongga beauty queen ang nakasulod naman sa top 15 kag nakuha pa ang best in evening gown award.
Ang tiglawas naman sang Vietnam ang nagdaug sa nasambit nga beauty pageant nga ginpatigayon sa Thailand.