ILOILO CITY – Nakasulod sa Top 10 finalists para sa national costume sang 2017 Binibining Pilipinas ang Ilongga beauty queen na si Ruffa Nava.// Ang terno sang 24-year old beauty queen nga tumandok sang Fort San Pedro, City Proper, ang inspired sang Dinagyag Festival.
Ini ang obra sang Ilonggo designer nga si John Cliff Demaala.
Sa exclusive interview sang Bombo Radyo Iloilo, ginpahayag ni Demaala nga ang ibabaw sang national costume ni Nava ang himo sa black pearls, rhinestones kag beads samtang ang sa dalom ang himo sa organza origami nga hand-made mismo sang designer.
Suno kay Demaala, duha ka bulan niya nga ginhimo ang gown sang beauty queen.
Ginpahayag sang designer nga ang pagpili sang Top 10 finalists ang hinhimo sang Executive Committee sang Pilipinas kag wala sang outside judges.
Apang indi lang ang gown ang basehan bangud mas nagibabaw kun paano dal-on sang kandidata ang ila ginasuksok.
Nahibaluan nga si Demaala ang designer man sang long gown ni Miss Tanzani johan Dimack sa 65th Miss Universe pageant nga ginpatigayon diri sa pungsod sadtong Enero.