ILOILO CITY – Nag-abanse na para sa gold medal match ang bugal sang Janiuay, Iloilo nga si Irish Magno para sa women’s boxing sa nagapadayon nga 31st Southeast Asian Games sa Hanoi, Vietnam.
Ginpyerde ni Magno si Novita Sinadia sa score nga 5-0 sa women’s 48-51 kg event.
Kabahin man sang nag-advance para sa gold medal match amo si Ian Clark Bautista.
Ginlutos ni Bautista ang pambato sang Cambodia sa men’s 52-57 kg event.
Ang duha ang maga-upod kanday Eumir Marcial kag Rogen Ladon sa ila tagsa ka gold medal matches sa Domingo.
Samtang, ang Olympic silver medalist nga si Nesthy Petecio kag Marjon Piañar ang nakakuha sang bronze medals sa ila weight divisions.
