ILOILO CITY–Nagpangayo sang bulig ang isa ka Ilongga Overseas Filipino Worker (OFW) sa Hongkong nga biktima sang pagmaltrato sang mga ginikanan sang iya employer.
Sa report ni Bombo International Correspondent Merly Bunda direkta sa Hongkong, iya ginpahayag nga duha ka bulan pa lang nga nag-abot ang 32 anyos nga Ilongga nga taga-Dumangas apang ginamaltrato na sang iloy sang iya employer.
Suno kay Bunda, ginasumbag kag ginalampusan sang taklob sang rice cooker sang masobra 70 anyos nga nanay sang employer ang Ilongga domestic helper.
Bangud sini, napaso gid ang kamot sang biktima nga nagdangop sa Philippine Consulate sa Hongkong
Wala naman sang aktu ang employer sang mahibalu-an ang tuhoy diri.
Sa subong, yara na sa pag-inakop sang otoridad ang Ilongga domestic helper.