HONG KONG – Drowning ukon pagkalumos ang findings sang doktor may kaangtanan sa pagkasapo sa isa ka Ilongga domestic helper nga nagalutaw sa swimming pool sa Hong Kong.
Suno kay Bombo International Correspondent Merly Bunda, indi pa maathag sa subong kun ano gid ang natabo sa 29 anyos nga biktima nga nasapwan sang life guard nga wala sang pangalibutan.
Ginpahayag ni Bunda nga sang nasapwan ang biktima, gilayon ini nga gindapatan sang first aid antes gindala sa hospital.
Sang yara na sa hospital, gin-cardiac arrest ang biktima rason nga gin-admit ini sa Intensive Care Unit apang santo sa medical examination, wala sang fracture ukon bruises nga mahimo tunaan sang pagka-comatose sang Ilongga.
Palaligban pa tubtub sa subong bangud suno sa pamilya, makahibalo maglangoy ang biktima kag masami man ini nga nagalangoy sa nasambit nga swimming pool kaupod ang ginabantayan nga bata.
Sa subong, nagalaum ang pamilya nga maka-recover gilayon ang Ilongga domestic helper.
