ILOILO CITY – May hangover sa gihapon ang Ilongga fashion designer nga nagpasundayag sa Paris Fashion Week.
Sa interview sang Bombo Radyo Iloilo kay Audrey Rose Dusaran-Albason sang Tagbak, Jaro, Iloilo
City, ginpahayag sini nga indi siya sa gihapon makapati nga isa siya sa 20 ka mga fashion designer sa bug-os nga kalibutan nga nahatagan sang kahigayunan nga mapakita ang iya dress collection sa luwas sang pungsod.
Ang mangin fashion designer sadto anay ang isa ka mataas nga handom para sa iya kag wala ginlauman nga iya ini nalab-ot.
Bata pa lang, mahilig na siya mag-drawing apang iya ginpili nga mangin isa ka nurse.
Daw kasubong suno kay Albason nga kapalaran ang nagatulod sa iya nga bayaan ang patag sang medisina kag magsulod sa iya ginakahiligan, nga amo ang fashion design tubtub nga nahatagan siya sang kahigayunan nga makapasakop sa isa ka international fashion event.
Kadungan sini, iya ginpahanumdom nga kinahanglan nga magpanikasog agud malab-ot ang ginahandum sa
kabuhi.