Igatiglawas sang isa ka Ilongga ang bug-os nga pungsod Pilipinas sa masunod nga edition sang Miss Teen International pageant sa India.
Ini amo si Angel Jed Latorre, 17, nga nangibabaw sa 14 ka iban pa nga aspirants sa 2022 Miss Teen International Philippines nga ginpatigayon sa Tanghalang Pasigueño sa Pasig City.
Tumandok si Angel sang Bo. Obrero, Lapuz District sa Iloilo City kag isa ka Senior High School student sa University of San Agustin.
Nakuha man ni Angel ang iban pa ka awards kaangay sang Pageantry Fanatics Queen, Press Choice Award, Best in Talent, Best in Swimsuit, kag Best in Intro Video.
Madumduman nga sang ginpatigayon ang Miss World Philippines 2022, gintiglawas man sini ang Lambunao, Iloilo sa national pageant.
