Ginahikayat sang Ilongga maritime leader nga si Christel Marie Layson ang mga kababainhan nga magkuha sang career sa port kag maritime industry.
Ini bangod indi lamang ini para sa kaugalingon kundi bulig man sa pungsod kag sa global economy.
Sa interview sang Bombo Radyo Iloilo kay Layson, iya ginpahayag nga kon magsulod ang kababaihan sa amo nga industriya, wala lang sang mga ini ginapauswag ang ila kaugalingon kundi ginabuligan man nila ang ila komunidad kag ang ekonomiya.
Si Layson ang presidente sang Women in Maritime Philippines, isa ka organisasyon nga nagapromote kag nagasuporta sa kababainhan sa maritime sector.
Dugang pa sini, ginhingadlan man siya nga Miss Iloilo Paraw Regatta – Reyna ng Aliwan 2016 kag nagrepresentar sang Iloilo sa national pageant stage.
Suno pa sa iya nga importante nga may ara sang disiplina, determinasyon, kag pagpati sa kaugalingon ang isa ka babayi agud malab-ot ang iya handom kag mangin inspirasyon sa iban pa gid nga kababainhan.
