Ginakabig sang Ilongga beauty queen bilang dako nga pagpanghangkat kag panibag-o nga journey ang pagbibit sang korona kag titulo nga Miss Philippines Water 2021 nga iya nadag-an sa Miss Philippines Earth pageant.
Sa interview sang Bombo Radyo kay Rocel Angelah Songano, iya ginpahayag nga wala nagtapos sa kompetisyon ang iya nga pagka-beauty queen kag sa baylo nangin mas madamo pa ang iya responsibilidad nga iya man ginapasalamatan.
Kalakip sa iya mga adbokasiya nga ginaduso amo ang environmental education kag management of solid waste.
Bangud isa man ka theater actress si Songano, ginagamit niya ang iya nahibal-an sa arts para sa iya mga adbokasiya.
