Naghilibion ang isa ka Ilongga Overseas Filipino Worker sa Lebanon samtang ginalaragway ang sitwasyon sa amo nga pungsod bangud sa padayon nga pag-atake sang Israel agud i-target ang grupo nga Hezbollah.
Sa interview sang Bombo Radyo kay Neena Camince Trabasas, Bombo International Correspondent sa Lebanon kag 25 ka tuig na nga OFW, iya ginpahayag nga apisar nabalaka sila sa ila seguridad nga mga Pinoy, mas nagapangibabaw ang ila kaluoy sa mga inosente nga kabataan.
Suno kay Trabasas, indi takos kag wala nagakaangay para sa kabataan nga masaksihan ang kinagamo.
Nagalaum naman ini nga magtahaw na ang sitwasyon kag wala na sang maumid nga mga sibilyan.
Sa pihak sang nagakatabo, wala sang plano si Trabasas nga magpauli sa Pilipinas.
Suno sa iya, dako ini nga risgo para sa ila apang desidido ini nga magpabilin sa Lebanon.
Nahibaluan nga ginaengganyo sang gobyerno sang Pilipinas ang mga OFWs sa Lebanon nga mag-avail sang repatriation.
