ILOILO CITY – Nagapabatyag sa iya pamilya ang Ilonggo overseas Filipino worker (OFW) nga ginpatay sang iya amo sa Kuwait kag ginsulod sa freezer.
Sa interview sang Bombo Radyo Iloilo kay Jojit Demafelis, utod ni Joanna Daniela Demafelis sang Barangay Ferraris, Sara, Iloilo ginpahayag sini nga nagpakita sa iya damgo ang Ilongga OFW nga nagapangayo sang bulig.
Ini man suno kay Mr. Demafelis ang nabatyagan sang iya mga utod.
Suno kay Mr. Demafelis, ginpahayag ni Joanna sa iya damgo nga dako nga bulig sa ginapangayo sini nga hustisya ang cellphone sini nga natago sa iya mga gamit nga nabilin sa Kuwait.
Sa nasambit nga cellphone may mga na-record nga videos sang pagmaltrato kay Joanna sang iya amo.