Tuman ang kalipay nga nabatayagan sang pamilya ni Maricris Lapatero Sacatin, isa ka Overseas Filipino Worker (OFW) nga napriso sa Kuwait matapos nga nakapauli na ini sa Pilipinas.
Sa interview sang Bombo Radyo kay Maeb Lapatero, utod ni Maricris,tuman gid ang ila pagpasalamat bangud naistorya na sini ang iya utod kag luwas na ini sa katalagaman.
Dugang pa sini nga maayo na sini ang iya kahimtangan kag nagapasalamat nga wala ini ginpabay-an sang Diyos samtang yara pa ini sa Kuwait.
Base sa istorya ni Maricris, wala man siya ginsakit samtang ini ang napriso, apang wala siya ginpasugtan nga maggamit sang cellphone, amo nga wala dayon siya nakapakig-angut sa iya pamilya diri sa Pilipinas.
Nagapasalamat man ang pamilya ni Maeb sa tanan nga mga tawo nga nagbulig, amo man sa mga ahensya nga nagbulig agud mapadasig ang iya pagpauli sa Pilipinas.
