ILOILO CITY–Tuman ang pagpasalamat sang Ilongga beauty queen matapos ginkoronahan bilang 1st runner-up sa Miss Cosmo World 2018 nga ginpatigayon sa Malaysia.

Sa interview sang Bombo Radyo kay Jeanyfer Ozbot, 23 anyos sang Iloilo City, iya ginpahayag nga bugal para sa iya nga itiglawas ang Pilipinas sa prestihiyoso nga pageant.
Dugang pa sang real estate broker kag Filipino-Italian model, indi siya makapati nga siya ang 1st runner sa Miss Cosmo World 2018 sa diin iya gid nga ginpasalamatan ang tanan nga nagbulig sa iya.
Nahibalu-an nga si Ozbot ang masami nga nagapakigbahin sa beauty pageant sa diin nakaagi man siya nga nag-intra sa Miss World Philippines 2017.