ILOILO CITY – Nakuha sang Ilongga beauty queen nga si Mary Eve Adeline Escoto ang titulo bilang Miss Asia Global 2017 sa Miss Asia coronation nga ginhiwat sa India kagab-i.
Si Escoto ang tumandok sang Nueva Valencia, Guimaras.
Magluwas sa Miss Asia Global 2017 title nga amu ang second main title sa pageant, nakuha man sang licensed physical therapist ang Best in National Costume kag Best in Formal Wear.
Ginkoronahan naman bilang Miss Asia 2017 si Miss China, First Runner-up si Miss Russia, 2nd Runner-up naman si Miss India.
Antes pa man napasa ang korona sa China, Pinay man ang naga-uyat sang titulo paagi kay Trixia Maria Maraña sang Dumaguete City.
Nahibaluan nga si Escoto ang First Runner-up man sa Mutya ng Guimaras 2017 kag nangin kandidata sa Miss Iloilo Dinagyang 2017.