ILOILO CITY – Sa pihak sang naagyan nga mga pagtilaw sa kabuhi kaangay sang heartbreaks, anxiety kag depression, napamatud-an sang isa ka Ilongga nga masarangan sini nga magpangibabaw sa iya edukasyon.
Ini amo si Lorraine Zaragosa Bales sang Calumpang, Molo, Iloilo City.
Si Bales ang nagtapos bilang Summa Cum Laude sa kurso nga Bachelor of Science in Psychology sa Ateneo de Manila University.
Sang elementary kag high school, nagtapos man ini bilang Valedictorian.
Nagtapos ini sang iya elementary sa Pauline Grade School kag sa Iloilo National High School naman sa iya sekondarya.
“Let me take this moment to express my deepest gratitude to everyone who has been part of my journey. Each of you has uniquely shaped my college experience into one of growth, learning, and cherished memories. “
Sa interview sang Bombo Radyo kay Bales, iya ginpahayag nga madamo ang nagadayaw sa iya kag ginalaragway bilang “Ms. Perfect” ukon “God’s favorite.”
“To God, Thank you for sustaining me through every challenge and for never leaving my side. Your unwavering presence and strength have been my guiding light, especially during the toughest moments of my academic journey.”
Apang likom sa ihibalo sang iban, madamo man ini sang mga pagtilaw nga naagyan ilabi na nga nagdako ini sa isa ka broken family kag gin-diagnose pa gid ini nga may heart disease.
“Being part of more than ten organizations have been transformative. Thank you for allowing me to champion causes I deeply care about, like quality education, mental health awareness, and faith.”
Sa pihak sini, naghimakas si Bales sa pagtuon sa diin nangin salandigan man sini ang Diyos kag ang iya iloy nga nagasuporta sa iya.
Plano naman ni Bales nga magsulod sa law school agud matuman ang iya handom nga mangin abogado kag mabuligan ang mga pigado.
