Nagbubo ang pagdayaw sa isa sa mga graduates sang Central Philippine University nga nangibabaw sa August 2021 Social Worker Board Exam.
Siya amo si Talitha Charis Mari Frondoza Narido, residente sang Cubay, Jaro, Iloilo City nga nakakuha sang 80.60 nga score.
Siya ang isa sa duha ka nakakuha sang ikawalo sa pinakamataas nga score sa exam.
Sa interview sang Bombo Radyo kay Narido, iya ginpahayag nga tuman ang iya pagpasalamat bangud wala niya ginlauman nga makasulod sa Top 10 kag mangin isa sa topnotchers.
Suno sa iya, dako man ang iya kabalaslan sa iya ginikanan nga nagsuporta sa iya ginpili nga kurso.
Nahibaluan nga isa ka abogado ang iya amay kag isa naman ka architect ang iya nga iloy.
Apisar nga virtual lang ginpatigayon ang ila nga review, mas bentaha ini para kay Narido bangud independent learner siya nga makabig.
Handom niya nga makasulod kag makatrabaho sa International Non-Government Organizations.
Magluwas kay Narido, 42 pa ka graduate sang Central Philippine University ang nakapasar man sa pasinawan.
