Naghakot sang medalya ang beach volleyball teams sang Pilipinas sa bag-o lang nagtakop nga 2022 Australia Beach Volleyball Tour Championships sa Brisbane, Australia.
Nakuha sang team ang duha ka gold, isa ka silver, kag duha ka bronze medals.Nakumpleto sang national squads ang perfect run sa men’s and women’s Challenger Division 1.
Ang volleyball veteran kag Ilongga nga si Jovelyn Gonzaga ang nakakuha sang gold sa iya first partnership kay Dij Rodriguez sa ila hampang sa Women’s Challenger Division matapos ginpierde sanday Alice Zeimann sang New Zealand kag Anna Donlan sang Australia.
Daug man sa gold medal match sa Men’s Challenger Division 1 sanday Ranran Abdilla kag Jaron Requinton.
Ini ang kabahin sang ila isa ka bulan nga training program sa Brisbane para sa 31st Southeast Asian Games sa Hanoi, Vietnam sa Mayo 12-23.
Matandaan nga nakuha sang Pilipinas ang duha ka bronze medals sa beach volleyball sang 2019 SEA Games diri sa Pilipinas. ##
