ILOILO CITY — Gin-appoint ni Pres. Rodrigo Duterte ang isa na naman ka Ilongga tumandok sang Mandurriao Iloilo City bilang panibag-o nga Youth Commissioner sang national youth Commission (NYC).
Ini ang ginkilala nga si Rhea Baladhay-Peñaflor, 37 anyos.
Si Peñaflor ang naggraduate sa West Visayas State University (WVSU) sang tuig 2000, Cum Laude sa kurso nga Bachelor of Science in Mass Communication Major in Journalism.
Nakatapos man ini sang iya Master’s Degree in Public Administration sang 2002 sa Aklan State University kag sang iya Bachelor of Laws sa univeristy of Iloilo.
Sa interview sang Bombo Radyo kay anay NYC Commissioner Joe John Paul Piñol, nalipay gid ini nga sa duha ka magkasunod nga termino, lunsay mga Ilonggo ang na-appoint sa amo nga position.
Dugang pa ni Piñol apisar sang  nalab-ot nga kadalag-an ni Peñaflor, nagapabilin ini nga humble ukon mapinauboson kag naagalaum nga mapadayon ni Peñaflor ang mga maayo nga programa para sa mga kabataan sang pungsod.