Ilonggo athlete, gold medalist sa ASEAN School Games sa Singapore

ILOILO CITY – Nakuha sang Ilonggo athlete ang gold medal sa Javelin Throw sa nagapadayon nga ASEAN School Games sa Singapore.
Nag-record si James Lozañes sang 66.36 meters nga distansiya agud makuha ang ika-11 nga gold medal sang Pilipinas sa nasambit nga sporting event.
Madumduman nga si Lozañes ang gold medalist man sa Javelin Throw sang nagligad lang nga Palarong Pambansa 2017 sa 59.46m nga distansiya.
Si Lozañes ang tumandok sang Binuluangan, Carles, Iloilo kag estudyante sa Estancia National High School.
Ang 9th ASEAN School Games ang nagsugod sang July 13 kag magatapos sa July 21, 2017.