Ilonggo athlete nga kabahin sang Phl delegation, nagapreparar na sa SEA Games

ILOILO CITY – Ginapreparahan na sang nagaisahanon nga Ilonggo nga kabahin sang delegasyon sang Pilipinas para sa Southeast Asian (SEA) Games.
Si Manuel Lasangue Jr., 27, sang Barangay Taro, Tigbauan, Iloilo ang mangin pambato sang Pilipinas sa High Jump.
Si Lasangue ang nagsugod sa paghampang sang High Jump sang ini ang naga-eskwela pa lang sa Jamog Elementary School sa banwa sang Tigbauan, Iloilo.
Sadtong 2006, naghampang si Lasangue sa Palarong Pambansa nga ginpatigayon sa Bicol.
Nagdaog ini sang gold medal sa National Track and Field Championships nga ginpatigayon sadtong Mayo 2017 sa Singapore Sports Hub National Stadium kun sa diin nakuha sini ang bronze medal.
Patigayunon ang SEA Games sa Kuala Lumpur, Malaysia sa maabot nga Agosto 19-30, 2017.