Ilonggo athletes nga nakakuha sang medalya sa Palarong Pambansa, may cash incentives

ILOILO CITY – Bayluhan sang kwarta sang iloilo provincial government ang mga medalya kag kadalag-an sang mga Ilonggo athletes sa Palarong Pambansa 2017.
Suno kay Governor Arthur Defensor Sr., may nagakaigo nga pondo para sa mga atleta nga magahatag sang nagakaigo nga dungog sa probinsya sang iloilo.
Magabaton sang P7,000 ang mga gold medalists; P5,000 naman ang batunon sang mga silver medalists kag P3,000 ang batunon sang mga bronze medalists.
Suno sa gobernador, aprubado na ang budget para sa rewards kag incentives sang mga atleta.
Nahibaluan nga madamo nga mga atleta nagikan sa Northern Iloilo ang nakakuha sang medalya sa Palarong Pambansa kun sa diin iban sa mga ini ang record-breaker pa.
Ginkalipay man sang gobernador ang pagpabilin sa ika-tatlo nga pwesto sang Western Visayas sa bag-o lang nagtakop nga Palarong Pambansa 2017.