Naghatag sang bugal ang isa ka llonggo matapos nakatapos sang iya master’s degree sa University of Sydney sa Australia.
Ini amo si Engr. Ray Adrian Macalalag sang Iloilo City Proper.
Nagtapos si Macalalag sang iya elementary sa University of San Agustin, secondary sa University of the Philippines kag kolehiyo sa University of San Agustin.
Sa subong, nagatrabaho na si Macalalag sa bilang Senior Economic Development Specialist of the Policy Formulation and Planning Division sa National Economic and Development Authority (NEDA) Regional Office VI, Iloilo City kag focal person sa transport and infrastructure sector policy and planning concerns.
Sa interview sang Bombo Radyo kay Macalalag, iya ginpahayag nga wala sang katupong ang iya kalipay matapos nahatagan sang kahigayunan nga makakuha sang Master of Transport sa University of Sydney.
Si Macalalag naman ang naga-isahanon nga representative sang Pilipinas sa nasambit nga Australia Awards Scholarship.
Tuman naman ang pagpasalamat ni Macalalag sa iya pamilya, kaupod sa trabaho kag mga abyan sini nga nagpati sa iya ikasarang.
Sa iya pagpauli sa Pilipinas, nangin dako ini nga ehemplo para sa mga nagahandom sang dako nga malab-ot sa tion nga may yara sang kaukod kag pagtinguha.
