𝗜𝗟𝗢𝗜𝗟𝗢 – Napilian bilang mga beneficiaries ni President Ferdinand Marcos Jr. ang mga agricultural producers sa Iloilo.
Ini ang kabahin sang Handog ng Pangulo: Serbisyong Tapat Para sa Lahat.
Nagbaton naman ang mga mangunguma gikan sa nagkalain-lain nga local government units (LGUs) sa probinsya sang agricultural projects halin sa banner programs sang Department of Agriculture (DA) Western Visayas.
Ginalakipan ini sang P1.015-million Rice Farmers Financial Assistance (RFFA) para sa 203 rice growers sa Iloilo City kag banwa sang Dumangas.
Gin-turn over man ang P17.55-million nga balor sang hybrid seeds kag P17.51-million nga soil ameliorants sa Iloilo Provincial Government sa idalom sang DA Rice Program.
Samtang, naghatag naman si DA Regional Executive Director Dennis R. Arpia sang Certificates of Award sa mga recipients sang native chicken dispersal projects, power sprayers, greenhouse facility, farm equipment para sa corn kag high value crops farming.
Naghatag man ang ahensya sang mga proyekto sa mga farmers cooperatives kag associations agud mapasanyog ang poultry production kag makabangon ang livestock industry sa Iloilo province.
“Natutuwa kami sa Department of Agriculture na mahal na mahal ng Presidente ang ating mga magsasaka at mangingisda. Ang ating rehiyon ay isa sa mga pinakamalaking food baskets ng ating bansa. Outside of Luzon, tayo ang tintingnan na panggagalingan ng produksyon. Weather permitting, we are expecting one of the biggest harvests so far,” pahayag ni Arpia.
