Iloilo City – Indi lang kilala ang Iloilo sa mga maragtason nga cultural heritage kag Dinagyang Festival, masami kilala man ini sa pag-produce sang worldclass films.
Sa interview sang Bombo Radyo kay Mr. Ramon Teñeso,tumandok sang Oton, Iloilo kag isa ka seasoned film director kag founder sang labing una nga founder sang Philippine Theater UK, iya ginpahayag nga ginkakibot niya ang pasidungog bangud ini pa lang ang iya ika-duha nga film nga na-produce.
Nahibaluan nga ang “Katagman the Movie” nga iya obra meastra, ang ginpasidunggan sa nanari-sari nga international award giving bodies kaangay sa Cannes World Film Festival nga siya ang nangin Best Director para sa documentary short sang 2022.
Suno kay Teñeso, tuman ang iya kalipay bangud ini ang iya gin-shoot sa Pilipinas kaupod ang mga Ilonggos kun sa diin ginkilala ini sang international scene.
Matandaan nga bag-o mangin film director si Teñeso, nangin playwright ini anay sang masobra 30 ka mga theater plays sa United Kingdom.
