Ginkilala bilang Mr. Universal Ambassador 2017 Firt Runner-up ang Ilonggo nga si Paul Guarnes sa coronation night nga ginpatigayon kagab-i sa Balai Prajurit Manunggal, Makassar, Indonesia.
Ang 21-anyos nga si Guarnes ang tumandok sang Purok 2, Pavia, Iloilo.
Ginkoronahan naman bilang Mr. Universal Ambassador 2017 si Luong Gia Huy sang Vietnam samtang 2nd Runner-up naman si Johannesburg Leonidas sang Sweden.
Ginpasalamatan ni Guarnes ang mga supporters sini nga wala untat nga naghatag sang suporta sa iya kag motibasyon agud makahatag sang dungog sa pungsod.
Suno kay Guarnes, wala ini nag-surrender apisar 17 ka adlaw lang ang iya preparasyon kag halos apat ka oras lang ang iya tulog.
Gin-athag man sini nga ginhimo niya ang tanan nga masarangan agud makuha ang titulokun sa diin standout ini sa iya sabat sa final question and answer.
Indi man sini malipatan ang suporta nga ginhatag sang iya sang mga Pinoy fans sa Indonesia nga wala naga-untat sa pag-cheer sang Pilipinas.
Sa subong, plano ni Guarnes nga magtutok sa trabaho sini bilang ambassador sang Gentleman of the Philippines 2017.
Matandaan nga antes ang pagpasakop ni Guarnes sa international pageant, nagbisita ini sa studio sang Bombo Radyo Iloilo sa diin nagpanawagan ini sang suporta.