Ginahulat na lang sang healthcare worker nga isa sa mga una nga nakabaton sang COVID-19 vaccine sa Estados Unidos ang iya ika-duha nga shot sang bakuna.
Sa interview sang Bombo Radyo kay Arnel Gellada, healthcare worker sa Houston, Texas, iya ginpahayag nga nakabaton sila sang email tuhoy sa vaccination kag nakadepende kun bala batunon ukon i-deny ang tanyag sang gobyerno.
Nagpasalamat man si Gellada nga nahatagan ini sang kahigayunan nga isa sa mga una nga nakabaton sang bakuna.
Suno kay Gellada, 21 ka adlaw ang iya hulaton matapos ang una nga shot sang bakuna agud nga makabaton liwat sang email nga nagapahibalo kun san-o ang schedule sini sa ika-duha nga vaccination.
Pahayag niya, wala man siya sang lain nga nabatyagan pagkatapos nga nabakunahan.
