ILOILO CITY – Ilonggo hospitality ang igapakita sang pamunu-an sang University of San Agustin sa pag-host sang 24th University Games.
Ini ang kasunod sang pormal na nga pag-umpisa sang University Games nga gintambungan sang linibo nga mga atleta gikan sa nagkalain-lain nga unibersidad sa pungsod.
Bag-o pa man ang opening ceremony subong nga hapon, nagpatigayon anay sang solidarity meeting ang mga atleta lakip na ang ila mga coach.
Sa interview sang Bombo Radyo kay Rev. Father Wilson Capellan, OSA, Chairman sang Media and Publicity Committee, iya ginpahayag nga ginhandaan gid sang pamunu-an sang University of San Agustin ang pag-host sang University Games.
Suno kay Capellan, gintutukan sang pamunu-an sang nasambit nga unibersidad ang accommodation sang mga atleta.
Ginpahayag ni Capellan nga sang 2014 pa sang ulihi nga nag-host ang University of San Agustin sang University Games.
