ILOILO CITY – Tuman ang pagpasalamat sa Diyos sang Ilonggo nga atleta matapos makuha ang bulawan nga medalya sa 5,000-meter event sa Palarong Pambansa 2019.
Sa interview sang Bombo Radyo kay Alfrenze Braza, 17 anyos sang Hibao-an Norte Mandurriao Iloilo City, iya ginpahayag nga wala ini nagalaom nga magdaog bangud ang iya kasumpong amo ang defending champion sang Palaro 2018 sa Ilocos Sur sa Northern Mindanao kag nakahampang na sa ASEAN Games.
Gin-ako man ni Braza nga pressure siya bangud isa ang Western Visayas sa mga ginakabig powerhouse teams sa athletics.
Inspirasyon naman ni Braza ang iya mga ginikanan sa diin ang iya amay ang isa ka security guard, kag housewife naman ang iya iloy.
Inspirasyon naman ni Braza ang iya mga ginikanan sa diin ang iya amay ang isa ka security guard, kag housewife naman ang iya iloy.
Ginpakigbagin man sang atleta nga nagpasakop ini sa mga kompetisyon kag ang nakuha nga premyo ang ginagamit para sa pang-adlaw adlaw nila nga galastuhan.
