Ginkilala nga “Nurse of the Year” sa Oxfordshire, United Kingdom ang Ilonggo nurse nga si Jose Ariel Lañada bangud sa iya outstanding work sa tunga sang COVID-19 pandemic.
Si Lañada ang tumandok sang Dueñas, Iloilo kag anak sang mangunguma.
Bangud sa kapigaduhon, nagtinguha si Lañada nga maka-eskwela sa diin naggradwar ini nga Valedictorian sa Highschool kag nangin scholar sa Central Philippine University (CPU).
Sa interview sang Bombo Radyo kay Lañada, iya ginpahayag nga bugal niya nga mabaton ang award kag pribelilihiyo para sa iya nga masuportahan kag mabuligan ang mga health workers kag ang Filipino community sa tunga sang COVID-19 pandemic.
Si Lañada ang nagdaog sa National Black Asian and Minority Ethnic (BAME) Health & Care Awards.
Siya subong ang Divisional Education Lead for the Neurosciences, Orthopaedics, Trauma, Specialist Surgery, Children’s and Neonates Division of Natio nal Health Service (NHS) Foundation Trust.
Magluwas sa iya nga papel sa Practice Development and Education, si Lañada ang nagaserbe man nga Presidente sang Filipino Nurses Association UK, chairman sang Filipino Community of Oxfordshire (FilCom Oxford), kag Associate Lecturer sa Oxford Brookes University.
Pahayag ni Lañada, nangin pagpanghangkat para sa tanan ang subong nga tuig kag bangud sa teamwork nga ginhimo nila sa bahin sang mga ospital kag sa komunidad, nagbunga ini sang maayo kag nangin madinalag-on.
Dugang pa sang natungan, tatlo ka mga panakot ang ginagamit niya sa iya kabuhi rason nga nalab-ot niya kun ano man ang may yara siya subong — kag ini amo ang Willingness, Tenacity kag Resilience.
