ILOILO CITY – Ilubong na karon sa hapon si Angelo Claveria sang Barangay Rizal Ilawod, Cabatuan, Iloilo, ang overseas Filipino worker (OFW) nga ginpatay kag gintago sa water tank sa South Korea.
Sa interview sang Bombo Radyo kay Delia Claveria Abella, utod ni Angelo, ginpahayag sini nga alas 2:00 karon sa hapon, misahan ini sa San Nicolas de Tolentino Church sa nasambit nga banwa kag ilubong naman sa Cabatuan Municipal Cemetery.
Hustisya gihapon ang handum sang pamilya kag wala sila nagakadulaan sang paglaum nga madakpan ang mga suspek nga nagpatay sa iya manghod.
Apat ka mga Pinoy nga kaupod ni Claveria sa trabaho ang ginatudlo nagpatay sa biktima
Nahibaluan nga nangin madasig ang pagpauli sang tul-an ni Claveria sa Pilipinas matapos ginpalab-ot sang Bombo RAdyo kay Special Assistant to the President Christopher “Bong” Go ang kaso sang Ilonggo OFW.