ILOILO – Binilyon ka pesos ang remittances sang Overseas Filipino Workers rason nga nagakadapat lamang sila nga buligan nga makapauli.
Ini ang pahayag ni Gov. Arthur Defensor Jr. may kaangtanan sa lihok nga ginapatuman sang Iloilo Provincial Government may kaangtanan sa COVID-19 pandemic.
Sa interview sang Bombo Radyo kay Defensor, iya ginpahayag nga ginabanta nga nagalab-ot sa P14.3 billion ang gibapadala sang Ilonggo Overseas Filipino Workers sa tagsa ka tuig.
Magluwas diri, binilyon ka pesos man ang kita gikan sa sektor sang turismo, agrikultura kag labor force nga lubos nga naapektuhan bangud sa pandemya.
Ginatapos na sa subong ang recovery program para sa ekonomiya sang probinsya sang Iloilo apang mangin daku naman nga pagpanghangkat suno sa Gobernador ang pagpatuman sini.
