ILOILO CITY – Buhi pa ang Ilonggo priest nga si Fr. Teresito Suganob nga tumandok sang Lambunao, Iloilo apang sa karon hostage sang mga rebelde nga Maute sa Marawi City.
Ini ang ginpasiguro sa Bombo Radyo Iloilo ni Regional Assemblyman Zia Alonto Adiong sa interview sang Bombo Radyo.
Suno kay Adiong, nagasaylo-saylo sang lugar ang pari kag ang iban pa nga hostages bangud nga dala ang mga ini sang nagapalagyo nga grupo sang Maute.
Ginamarkahan naman sang militar ang mga lugar sa Marawi kun sa diin indi mahimo magpatigayon sang air strikes bangud sa hostages.
Suno kay Adiong, magkaupod sa karon sanday Fr. Suganob kag mga manunudlo sang Dansalan College nga gin-hostage man sang Maute.