ILOILO CITY- Nagapati si Iloilo 3rd District Rep. Lorenz Defensor nga mas bukas si Senate President Chiz Escudero kun ipaanggid kay anay Senate President Migz Zubiri kun ang pag-amyendar sang konstitusyon ang istoryahan.
Sa interview sang Bombo Radyo kay Rep. Defensor, iya ginpahayag nga ini bangud nga mismo si Zubiri sadto ang nagasiling nga mabudlay ini nga kumpormehan sang mga Filipino.
Apang suno kay Defensor, indi charter change ang ginaduso sang Kamara kundi pag-amyendar sa economic provisions sang konstitusyon.
Suno sa iya, kun matigayon nga maamyendaran ang konstitusyon sa aspeto sang ekonomiya.
Ginhalimbawa pa sini ang sitwasyon sa iya distrito kun sa diin 60% gid sang lugar ang wala sang signal.
Paathag niya, isa ang telecommunications sa magasanyog kun matigayon ang pag-amyendar sang economic provisions sang konstitusyon.
