ILOILO CITY – Nagpasalig si Senate Minority Floor leader Franklin Drilon nga magabulig ini sa gihapon sa syudad kag probinsya sang Iloilo apisar nga wala na ini sa pwesto.
Sa katapusan sang Hunyo, matapos naman ang termino ni Drilon sa pagkasenador.
Sa ginpatigayon nga groundbreaking ceremony sang 7.22-kilometer Iloilo River North Bank (Iloilo Sunset Boulevard) project sa Barangay So-oc, Arevalo, Iloilo City, nagpasalamat si Drilon sa suporta nga ginhatag sa iya sa kabug-usan nga pagserbisyo niya.
Suno kay Drilon, apisar nga manaog na ini sa pwesto, nagpasalig siya nga handa siya sa gihapon nga maghatag sang bulig.
Pahayag dugang ni Drilon nga naubra na niya ang iya responsibilidad sa pagpasanyog sang development sang Iloilo.
