Handa na ang mga Ilonggo singers nga itiglawas ang Pilipinas sa nagahilapit nga World Championships of Performing Arts ukon WCOPA sa Las Vegas, Nevada,USA humalin Hulyo 13 tubtob 21, 2026.
Nalakip sa Philippine delegation amo sanday Alger John Carnate sang Mandurriao, Iloilo City kag Beatrix Louise Balairos sang Barotac Viejo.
Si Carnate ang magaintra sa Vocals Category para sa Senior 25-29 years old samtang si Balairos naman sa Junior 5-10 years old.
Sa interview sang Bombo Radyo kay Carnate, iya ginpahayag nga excited sila nga ipasundayag ang ila vocal abilities upod sa iban nga contestants halin sa nanuhay-tuhay nga pungsod sa ginakabig isa sa premier international talent competitions sa kalibutan.
Suno kay Carnate, dako ang ila pagsalig sa ila kaugalingon antes ang kompetisyon kag nagalaum nga indi lang sila mag-deliver sang outstanding performances kundi mag-inspire man sang iban nga mga artists.
Suno naman kay Balairos, bisan bata pa ini, ipakita niya sa bilog nga kalibutan kun ano ang talento sang isa ka bata nga Ilonggo.
Bisan nakulbaan apang excited siya nga mag-perform sa international stage.
