ILOILO CITY- Tinguhaan sang isa ka Ilonggo swimmer nga magmadinalag-on sa nagahilapit nga Palarong Pambansa 2023.
Ang atleta amo si Val Nathaniel Gilbolinga, Grade 6 student sang Central Philippine University kag maga-compete sa 50 meters breast stroke.
Sa interview sang Bombo Radyo kay Coach Liza Mae Vito, iya ginpahayag nga padayon ang maid-id nga training ni Gilbolinga para ara ini sa iya pinakamaayo nga porma sa tion sang iya kompetisyon.
Suno kay Vito, makit-an niya kun ano ka disiplinado si Gilbolinga kag positibo ini nga matiglawas niya sang maayo ang Region 6.
Si Gilbolinga ang nagaisahanon nga swimmer sa elementary level nga halin sa Iloilo.
