Arestado ang isa ka iloy bangud sa pagbaligya online sa iya bata nga 13 ka adlaw pa lang ang edad.
Gindakop sang mga operatiba sang Philippine National Police (PNP) – Women and Children’s Protection Center (WCPC) sa Taguig ang suspek samtang ginakungkong ang lapsag.
Nagpakun-kuno ang pulis nga luyag nga mag-adopt sang bata sang gintanyag ini sa ila sang suspek online.
Nagapangatubang subong ang iloy sang kaso nga paglapas sa RA 7610 ukon ang Special Protection of Children Against Abuse, Exploitation and Discrimination Act kag Human Trafficking.
Base sa data sang PNP – WCPC, may 22 social media sites ang nagatanyag sang illegal adoption kun sa diin napasirado na sang PNP ang iban sa mga ini.
