ILOILO CITY- Arestado ang isa ka iloy bangud sa pagbaligya sini sa iya bata nga babaye sa online pornography.
Ang suspek amo ang 45-anyos nga iloy sa Malabon nga nadakpan paagi sa entrapment operation.
Ang biktima nagaedad sang siyam ka tuig.
Base sa imbestigasyon, modus sang iloy nga ibaligya ang laragway sang nagahublas niya nga bata kabaylo sang P1,000 halin sa iya mga kliyente nga lunsay mga foreigners.
Ginapasaot pa sini ang iya bata nga wala sang bayo sa online live show.
Suno kay PNP Anti-Cybercrime Group Police Captain Santiago Roy, mismo ang isa ka bata sang suspek ang nag-report sa ila sa ginahimo sang iloy sa iya anak.
Didto na ginkasa ang operasyon kag nadakpan ang suspek sa isa ka hotel room sa Malabon kun sa diin niya ginaubra ang imoral nga aktibidad.
Mangatubang ang iloy sa reklamo nga paglapas sa Anti-Online Sexual Abuse or Exploitation Materials Act.
Nagpabutyag naman ini sang iya paghinulsol sa iya nahimo.
