Padayon pa nga ginahibalo sang mga otoridad kun may foul play nga natabo sa likod sang kamatayon sang 40 anyos nga iloy sa Parara Norte, Tigbauan, Iloilo.
Ang biktima amo si alyas Faye, pamilyado, kag nagatrabaho bilang manager sa isa ka cosmetic company sa Oton, Iloilo.
Sa interview sang Bombo Radyo kay Police Captain Roy Castro, hepe sang Tigbauan, Municipal Police Station, iya ginpahayag nga nasapwan ang babaye nga nakabitay na sa sulod sang ila hulot gamit ang lubid sang duyan.
Ginapahayag nga nagpadulong sa syudad sang Iloilo ang bana sini kag bata sang natabo ang pag-suicide sang iloy.
Gindala pa sa ospital ang biktima apang gindeklarar sang doktor nga dead on arrival.
Suno kay Castro, santo sa nangin panaysayon sang bana sini, madugay na nga may suicidal tendency ang iya asawa sa diin nakaagi naman ini nga nagtuyo nga maghikog.
Isa sa mga ginalantaw nga anggulo amo ang depresyon, bangud madamo ini sang gina-pautang nga cosmetic products apang wala napangbayaran.
