Ginpa-Bombo sang isa ka iloy ang isa ka indibidwal nga in-charge sa gift-giving activity sang Iloilo City Government.
Ini bangud sa pagpamurugso kag indi manami nga pagbinatasan sang amo nga indibidwal nga ginapatihan empleyado sang city hall..
Sa interview sang Bombo Radyo sa tagreklamo nga si alyas Inday, residente sang Calumpang, Molo, iya ginpahayag nga wala pa man niya naplastar ang iya kamot agud dahuon ang plastic nga may unod nga mga delata kag bugas, ginbuy-an na ini sang amo nga empleyado gani nahulog sa salog.
Sang ginhambalan sang tagreklamo ang empleyado nga kuntani ginhulat anay ang iya pagdaho, nangakig pa ang nasambit nga indibidwal.
Pahayag niya, nadismaya gid ini bangud sa baylo nga mangin masadya kuntani ang iya eksperyensiya, indi in halandumon bangud sa pagbinastos sang amo nga empleyado.
