Arestado ang isa ka iloy matapos gintago niya sa freezer ang duha ka lapsag nga kaugalingon man niya nga mga anak sa Eastern France.
Base sa report, mismo ang isa sa mga anak sang suspek ang nakadiskubre sang patay nga mga lapsag sa sulod sang freezer.
Gilayon man sini nga ginpahibalo sa otoridad ang natabo gani naaresto ang suspek.
Natabo ini sang February 10, 2026.
Naggwa sa imbestigasyon nga gin-ako mismo sang suspek nga ginpatay niya ang duha ka lapsag matapos gintago sini sa iya pamilya ang iya pagbusong.
Suno sa suspek, una niya nga ginbun-ag sang 2011 ang lapsag samtang sang 2018 naman niya ginbun-ag ang isa.
Ginpaidalom na sa autopsy ang mga lapsag para mahibaluan ang matuod nga rason sang ila kamatayon.
Nagapangatubang naman ini sang kaso nga infanticide.
