ILOILO – Emosyonal samtang nagahingyo sang bulig ang iloy matapos nga nabiktima sang Dengue Hemorrhagic Fever ang iya tatlo ka mga bata.
Sa interview sang Bombo Radyo kay alyas Bibit sang Brgy. Libo‑o, Dingle, Iloilo, iya ginpahayag nga magluwas sa iya 3 ka mga bata, kalabanan sa iya mga kasimaryo ang may yara man sang Dengue.
Isa sa ginalantaw ni alyas Bibit nga rason kun nga-a nagaduging ang lamok nga carrier sang Dengue amo nga wala sila sang may ginakuhaan sang tubig kag nagasalig lang sila sa pagsupot sang tubig ulan.
Ginpahayag ni alyas Bibit nga ang isa niya ka bata ang nagapabilin pa sa Iloilo Provincial Hospital sa Pototan, Iloilo kag nagakinahanglan sang nagakaigo nga pagbulong.
Magluwas sa iya 3 ka bata, nagakasubo man ang natungdan bangud nga lapnagon sa ila barangay ang nasambit nga balati-an kag mahimo pa nga maglapta sa mga kaiping nga lugar.
