ILOILO CITY–Ginkulbaan ang 28 anyos nga iloy rason nga iya gingulgol ang liog sang iya walo ka bulan nga lapsag sa Sitio Alang-alang, Brgy. California, Barotac Viejo, Iloilo.
Sa interview sang Bombo Radyo sa iloy, iya ginpahayag nga bag-o pa man niya gingulgol ang liog sang iya lapsag, masami na siya nakabatyag sang kakulba.
Magluwas diri, gintu-ad man sang iloy nga masami sila naga-away sang iya bana bangud sa pila ka butang.
Halimbawa diri suno sa iloy amo nga nagamuhan siya sa tion nga madamu sang ila himata ang nagapadulong sa ila balay.
Gindugang pa sang iloy, nga iya ginbutang sa lababo ang nagakatulog nga lapsag kag didto na gingulgol sang pisaw kag gingunting ang liog sang bata.
Sang nagpiswit ang dugo, iya pa ini nga gin-inom sa diin nadamilan pa niya ang katam-is sang dugo.
Sa pihak sini, nagahinulsol kag nagapangayo sang pasaylo ang iloy sa iya nahimu nga krimen.