GUIMARAS – Nagsalig sa mga himata ang iloy sang duha ka-tuig nga bata nga nalumos sa isa ka beach resort sa barangay Poblacion, Nueva Valencia, Guimaras.
Ini ginpahayag ni Police Senior Master Sgt. Orlando Castillano sang Nueva Valencia Municipal Police Station.
Sa interview sang Bombo Radyo kay Castillano, iya ginpahayag nga nag attend ang iloy kaupod ang iya mga anak sa isa ka anibersaryo nga selebrasyon.
Suno kay Castillano, nagbalik sa cottage ang iloy agud patulugon ang iya pito ka bulan nga lapsag kag nagsalig ini nga kaupod man sang iya mga himata ang duha ka-tuig nga anak sa dagat.
Pahayag sang natungdan nga nasapawan nalang nga nagalutaw na kag wala na sang kabuhi ang bata.
Gilayon pa nga gindala sang pamilya ang duha ka tuig nga bata sa Dr. Catalino Gallego Nava Provincial Hospital apang gindeklara nga dead on arrival.
