𝗜𝗟𝗢𝗜𝗟𝗢 𝗖𝗜𝗧𝗬 – Padayon pa nga ginahibalo ang identity sang iloy nga nagbilin sang iya kapid nga fetus sa compound sang Department of Environment National Resources (DENR) Region 6 sa Barangay Concepcion, City Proper.
Ini ang nakit-an sang Lunes, Enero 13 sa plant box sa entrance sang building samtang ang isa naman ang yara sa pulungku-an.
Sa interview sang Bombo Radyo kay Police Major Shella Mae Sangrines, spokesperson sang Iloilo City Police Office 6, iya ginpahayag nga wala naga-function ang Closed-circuit television (CCTV) sa lugar nga amo kuntani ang makabulig sa imbestigasyon.
Suno kay Sangrines, possible nga sang weekend ginbilin ang mga fetus bangud wala sang tawo nga nagabantay sa lugar.
Gin-athag man sang natungdan nga indi empleyado ang ahensya ang iloy nga nagbilin sang kapid nga fetus nga ginabanta naga edad sang apat ka bulan.
Gindala naman sa Regional Forensic Unit 6 ang mga fetus sa diin ginkuhaan ini sang DNA sample antes ginlubong.
